Барилгын дээврийн толгой ваарны хагархай

Тодорхойлолт

Энэхүү толгой ваарыг гар аргаар урлаж, гурван хэмжээст байдлаар домгийн амьтны нүүрний хэсгийг бодитойгоор товойлгон урласан. Шавар хавтангийн нүүрэн тал дахь домгийн амьтны толгойг гахайнх шиг сартгар хамартай, босоо соотон чихтэй, бүлтгэр нүдтэй, амаа ангайж соёо шүдээ ярзайлган хэлээ гаргасан байдалтай дүрсэлжээ. Мөн чих, шанаа, эрүүний хэсэг сахал үсийг нарийн зураасаар дүрслэн гаргасан байна. Баримлын дээр улаан өнгийн будагны ором буйгаас үзэхэд өнгө ялган будсан байжээ. Ийм толгой ваарыг эртний барилгын дээвэр хэсгийн хажуу болон салаа нурууны үзүүрт хэрэглэдэг. Гэхдээ зөвхөн хааны ордон, сүм хийд, язгууртны тахилын онгон зэрэг өндөр зэрэглэлийн барилга байгууламжид ашигладаг. Эхэндээ хэвэнд цутгах аргаар хийж байснаа Хожуу Түрэг болон Уйгурын хаант улсын үеэс гар аргаар барьж хийдэг болжээ.

3D дүрслэл

3D загвар: H. Rohland

Зураг: C. Steindorf